Pag 146

5.A rebus quae scribuntur metra uocabulum trahunt,
ut eroicum dicitur, quo uirorum fortium res et facta narrantur.
Nam eroes appellantur uiri quasi aerei et celo digni
propter fortitudinem et sapientiam. Quod metrum actoritate
cetera metra praecellit; unum ex omnibus tam maximis
quam paruis operibus aptum, suauitatis et dulcedinis aeque
cappax. Quod propter notandas eroum res eroicum dicitur,
unde Oratius: Res gestae regumque ducumque et tristia bella.
Quo scribi possent numero monstrauit Homerus, qui
praedicto metro scripsit, constatque praedictis tribus pedibus.
6. De eroico. Hoc primum Moyses Deutero < no > mium
cecinisse probatur. Vnde apparet apud Hebraeos studium
carminum fuisse priusquam apud gentiles; siquidem et Iob
Moysi temporibus adaequatus est metro, dactilo spondeoque
decurrit. Et sicut quidam sapiens ait: Psalterium lirici composuere
pedes; unde probatur quoniam metrica uis sacris
non est incognita libris.
7. De eligiaco. Eligiacum interpretatur carmen miseriae
ideo, quod eius modulatio conueniat miseris. Antiqui enim
ephitaphia et miserias hoc metro scribebant; iuniores uero
de ludis et miseriis eo scripserunt, ut Ouidius et quidam alii.
Si quis tamen recte considerat, non eos super hoc reprehendi < t > ,
quoniam omnis amor talis miseria est. Constat autem
tribus pedibus assignatis, sed uersu[m] exametro et
pentametro.
8. <De> diuersitate uersuum. Versus alii dicuntur consonantes,
alii leonini.
9. De consonantibus uersibus. Consonantes dicuntur qui
in principio tertii pedis et in fine ultimi aliquam consonantiam
tenent, ut est illud: Aethiopum terras iam f eruida torruit
aestas. In hoc etenim uersu, sicut praediximus, in principio
tertii et in fine ultimi as consonat.