illud beati Iohannis eis imprecans, ut si quis apposuerit ad hec, apponat Deus ad
illum plagas scriptas in libro isto, et si quis diminuerit. diminuat Deus partem eius
de bonis descriptis in libro isto.
Explicit epistola fratris Alberici.
Incipiunt capitula visionis eiusdem
I. Qualiter beatus Petrus apostolus cum duobus angelis ei apparuit.
II. De pena prune, in qua pueri unius anni purgantur.
III. De valle glaciali, in qua adulteri, incesti, stupratores et diversis luxuriis inherentes
cruciantur.
IIII. De valle acutissimis, altissimis et spinosis arboribus plena, in qua mulieres
misericordiam non habentes et, que viri sui torum violaverunt, torquebantur.
V. De scala ferrea et vase eius, in quo cruciabantur illi, qui se ab uxoribus suis in
diebus dominicis et festivitatibus non continuerunt.
VI. De fornace sulphurea, in qua urebantur mulieres, que filios suos interficiunt, et
domini, qui sibi subditos multis iniustitiis et calumpniis afflixerunt
VII. De lacu igneo, in quo homicide et odiosi urebantur.
VIII. De vase concowinio, here, stagno, plumbo, sulphure et resina pleno, in quo
cremabantur episcopi, domini, patroni ac subditi ecclesiarum, qui scientes sacerdotem
periurum, adulterum et excommunicatum, iniquitates eius sustinent, defendunt,
consentiunt et officium eius audiunt.
VIIII. De locis Tartareis et ore infernalis baratri et verme infinite magnitudinis; qui,
cum flatum traheret, animas deglutiebat, cum emitteret, animas in favillarum
modum reiciebat exustas.
X. De lacu igneo, in quo sacrilegi cremabantur.
XI. De puteo flammas emittente. in quo symoniaci et, qui donum Dei emunt vel
vendunt, incendebantur.
XII. De loco horrido, tenebroso, flammanti, serpentibus et eiulatibus, draconibus et
stridoribus pleno, in quo cruciabantur, qui ordinem ecclesiasticum et regulam
monasticam dimiserunt, qui desperaverunt, qui penitentiam acceperunt et non
fecerunt.
XIII. De lacu aqua sulphurea et serpentibus ac scorpionibus pleno, in quo detractores
et, qui falsum testimonium dixerunt, affligebantur.
XIIII. De cane et leone flammas sulphureas de ore proicientibus.
XV. Qualiter monachus ab ave ductus et in incendiis proiectus et exinde abstractus,
et Albericus puer a beato Petro apostolo cum duobus angelis relictus et a demone
circumventus et rursum ab apostolo Petro sit in campum gloriose visionis deductus.
XVI. De supplicio illorum, qui furtum et rapacitatem contraxerunt.
|
|