Temporibus autem Iohannis XVI pape, idem domnus Hugo
abbas in hoc monasterio res territorii Sabinensis ubi dicitur Lonianus.
Item, Adam filius Azonis refutavit et reddidit in hoc monasterio
et in manus domni Hugonis abbatis per cartulam concambiationis
castellum qui dicitur Rocca et campum qui dicitur Calvianus.
fines Roccę: a duobus lateribus rivi, a tertio latere ipsi
rivi coniuncti, a quarto latere petrę fixę et terra huius monasterii.
fines autem campi: a primo latere via, a duabus partibus
rivi, a quarto latere rivi coniuncti. huius campi medietatem. Et
in Conflenti, ubi dicitur Pompeię, iuxta fluvium Pharpham, modiorum
.VI; cum aquimolis quę ibi ędificari poterunt et cum ęcclesia
tunc destructa. interposita pena auri optimi librarum .X.
item, quidam viri nobiles et consanguinei Tyburtinę civitatis donaverunt
et concesserunt in hoc monasterio et domno Hugoni
abbati ęcclesiam Beati martyris Adriani atque Natalię cum curte
ante eam et domibus scandoliciis duabus circumdatis parietinis
antiquis a duobus lateribus, et cum horto in circuitu eiusdem ęcclesie,
et terra pastinata arboribus olivarum et nucum et ceterorum
pomorum pomiferorum fructiferorum vel infructiferorum, et
cum criptis ac terris sementariciis, et cum introitu et exitu suo
per carrariam viam publicam, et omnibus eius pertinentiis, positam
infra civitatem veterem quę vocatur Albula non longe a civitate
Tyburtina in loco qui vocatur Marini, cuius fines sunt: ab
uno latere terra hęredum cuiusdam Stephani Gambęfractę et
Iohannis clerici qui dicitur Vomme, a secundo latere terra hęredum
quondam Rodonis, et in ipso latere terra hęredum cuiusdam
|
|