Adalbertus Samaritanus: Praecepta dictaminum

Pag 56


Presentium latorem paternitati vestre dirigimus, qui
omnes difficiliores questiones, que ad nos perveniunt, iuxta
canonum precepta vobis innotescere sanum duximus. Beatus
apostolus quippe, vas electionis, doctor gentium , cum de circumcisione
questio ventilaretur, non per se diffinire presumpsit, sed
Hierosolimam ad principem apostolorum detulit, hoc profecto
patenter insinuans nihil difficile debere diffiniri sine apostolice
sedis auctoritate. Hunc ergo hominem vestre sanctitati directum
benigne, ut debetis et soletis, audite, causam eius secundum
datam vobis a Deo sapientiam investigate et, quicquid inde
diffinietis, litteris nobis insinuate.
10
P. venerabili fratri et coepiscopo B. solo nomine Reginus
antistes perpetuam salutem in Domino.
Quoniam pravorum hominum crassante impietate ecclesie
Dei statum labefactari cottidie cernitur et fere nullus adversus
eos pro domo Israel insurgit partim amore, partim secularium
potestatum timore, idcirco, reverentissime frater, te,
quem et sapientia preditum et religione inclitum esse perpendo,
paucis ammoneo, ut cum ceteris provincialibus episcopis
in unum quam primum conveniamus et ea, que ad correctionem
malorum et ad salutem bonorum attinent, sollicite pertractemus.

Torna all'inizio