39. Cur in fine litterarum domini papae tempus et locus
dationis notatur.
In fine quoque litterarum mentio fit loci et temporis,
quo datae sunt, propter hoc, quoniam litterae domini papae
similitudinem, quin potius ueritatem, sacrarum legum continent;
sed iure fori leges, quae tempus et locum non determinant,
in nullo prorsus ualere iudicantur. Enimuero litterae
domini papae licet uim legum teneant, tamen tempus et locum
demonstrant, ut uerborum pronuntiatione legum diuinarum
pondus innuant, et etiam iure fori per demonstrationem
loci et temporis firmitatem ualoris optineant.
|
1
5
10
|