Guido Faba: Ars dictaminis

359


CXV.
Quid sit articulus.
Articulus est cese orationis per singula verba distinctio,
hoc modo: «Hic pius, prudens, humilis, pudicus».
CXVI.
De terminatione similium casuum.
Similiter cadens est duarum vel plurimum casualium dictionum
sub eisdem casibus similiter terminatio, hoc modo:
«Odit malitiam qui diligit iustitiam».
CXVII.
De similiter desinentibus.
Similiter desinens est dictionum casu carentium similis
exitus, hoc modo: «Hic docet, ille nocet. Hic sapit, ille
rapit».
Interdum isti colores miscentur hoc modo: «Quid facerem
in tanto periculo constitutus? Pugnarem? Sed erat
hostium multitudo robustior. Discederem? Sed locus munitissimus
non sinebat».
CXVIII.
Quid sit gradatio.
Gradatio est repetitio superioris verbi ante additum consequentis,
hoc modo: «Quod libet licet, et quod licet impune
facis».

Torna all'inizio