et gravamen. Unde cum prefato
R. et cuique nostro fideli in suo jure adesse
velimus, fidelitati tuae praecipimus et mandamus,
quatenus coram te partibus convocatis,
et qui de jure erunt evocandi, causam ipsam
audias et decidas justitia mediante: ut pro justitiae
defectu, neutri partium justa supersit materia
conquerendi.
Cap. XXVI.
Contra illos qui turbant aliquem in sua
possessione.
Querelam C. de N. fidelis nostri, nostra
nuper Serenitas intellexit, quod G. et F.
de N. quasdam possessiones et domos
suas, sitas in N. ad eum de jure spectantes, per
violentiam et iniuste detinent occupatas: et
ipsas, ut justum est sibi dimittere ac restituere
contradicunt, in ipsius grave praejudicium et
non modicam laesionem. Unde fidelitati tuae
praecipiendo mandamus, quatenus etc. ut supra
in alia usque in finem.
Cap. XXVII.
De causa appellationis superiori committenda,
super criminalibus interjectae.
Causa appellationis a sententia condemnationis,
latam per B. de N. tunc Potestatem
civitatis, contra T. Rubeum de eadem
terra, super 50. libris a Pandulpho de
Fasanellis proditore nostro, olim in Thuscia