26. Ex operibus legis . Ex operibus legis, non; nam
si hoc esset, non in Christo tantum esset justificatio,
sed in Christo tantum est. Si in Christo tantum non
est justificatio, peccamus qui, deserentes legem,
quaerimus tantum in Christo justificari; sed hoc non
est; nam si hoc esset, quod peccaremus quaerentes
tantum justificari per Christum, Christus minister
esset peccati; sed hoc absit ut Christus sit minister
peccati! ergo non peccamus quaerentes in Christo
tantum justificari. Quod si verum est, ergo ex operibus
legis non justificabitur omnis caro; nam si hoc
dixero, praevaricatorem me constituo, qui legem deseruerim,
quam justificantem concedo.
27. AMBROS. Quod si quaerentes . Est obscuritate
involutus intellectus. Vult autem dicere, quod secundum
legem non justificemur; accessimus ad
Christum quasi per eum justificandi. Si autem hac
spe in eum credentes invenimur peccatores, quia
legem non custodimus, videtur adventu suo peccati
exstitisse provisor.
28. AUGUST. ( Expos. in Epist. ad Gal. c. II.)
Quod si quaerentes . An forte quia in Christo
voluerunt justificari, peccaverunt? Quia si justi
erant, utique aliud quaerendo peccaverunt. Sed
si ita est, ergo Christus minister est peccati.
29. LANFR. Nunquid Christus . Ex persona infirmorum
hoc sibi dicit. Dixit Judaeos superius non
esse peccatores; et postea subintulit quod etiam
ipsi justificantur ex fide Jesu Christi; sed omnis qui
justificatur, in peccato fuit. Videbatur ergo male
intelligenti [ f. , intelligi], ut Christus peccata prius
ministraret, ut per fidem et gratiam suam postea
vivificaret.
30. Si enim quae destruxi . Quasi diceret: Hanc
quaestionem saepe mihi oppositam destruxi; quam si
iterum aedifico, mendacem et praevaricatorem me
constituo.
31. AUGUST. ( ibid. ) Si enim quae destruxi . Destruxit
autem superbiam gloriantem de operibus legis quae
destrui et deberet et posset, ne gratia fidei videretur
non necessaria; et ideo praevaricator est, si rursus
illa aedificat, dicens quod opera etiam legis sine
gratia justificant, ut Christus peccati minister
inveniatur.
32. AMBROS. Ego enim per legem . In ipsa enim
|
|