et oppressionum, que nobis geminata cum temporis malitia
pertinaciter invalescunt, aggressibus, ad superaffluentiam misericordiarum
vestrarum, quas vestra non contineat, quas sinus vester, unanimi voto
et votiva unanimitate, cum capitum et cordium humillima flexione,
duximus recurrendum, subiectibiliter vestre misericordie supplicantes,
quatenus non avertentes, si placet, faciei vestre serenitatem a supplicationibus
nostris, sed ad desolationem nostram misericorditer compassionem
habentes, … decanum et electum nostrum, virum utique timentem
Deum, moribus et doctrinis instructum, in temporalibus et spiritualibus
circumspectum, scientem et valentem monasterii Casinensis iura tueri, et
gratum Deo ac nobis, et ipsius monasterii, propter sue probitatis merita,
vassallum acceptum, inclite recordationis domino K., quondam rege
nostro, cuius potissime nobis deflendus occasus desolationem nostram
exaggerat, et heredibus suis, quibus det Deus subditas sibi facere barbaras
nationes fidelitatem semper servantem, dignemini, tam pie quam misericorditer,
ad desolationis nostre relevationem optatam, de benignitate sedis
eiusdem, cum acceleratione propitia, expedire, si placet, et ad nos mittere
expeditum, ut navem nostram ducat et dirigat, et in portu nos collocet
tranquillitatis et pacis.
… religiosis … abbas super licentia data … monacho suo leproso.
|
|