videlicet: a primo latere via quę venit a fontana Palumbę, a .II. Iatere
rigagines qui pergunt in viam publicam quę appellatur Cerrum Ianarium, a
.III. latere alia via publica quę ducit ad Balneum Novum, a .IIII. latere item alia
via et rigagines qui vadunt ad Acrifolium, et exinde pergunt in Arciones, et
veniunt in viam suprascriptam fontis Palumbę quę est primus finis, seu et cętera
alia quantacumque per diversa loca et ubicumque prope et longe petiolum reiacere
et ad suprascriptum monasterium pertinere videtur, omnia iuris sanctę
nostrę Romanę cui Deo auctore deservimus ęcclesię, vobis ad tenendum, emissa
pręceptione, concedere et confirmare deberemus. inclinati autem pręcibus vestris,
per huius pręcepti seriem suprascriptum monasterium Sancti Laurentii in
integrum cum omnibus ad illud pertinentibus, ut superius legitur, a pręsenti
.XV. indictione et usque in perpetuum, ea videlicet ratione concedimus detinendum
vobis, ut servos Dei monachos qui in eodem monasterio sunt vel quos
aggregare potueritis, sub castitate et modestia atque regulari et monachica disciplina,
Dei cum timore ut pater familias fovendo, gubernando atque regendo
et dispensando, vel in pręfata ęcclesia luminariorum concinnationes et cottidianas
laudes Deo omnipotenti omni tempore referre faciatis. unde nostra
apostolica auctoritate constituimus et confirmamus vobis, ut nullus ępiscopus,
marchio, comes, vicecomes, sive castaldius, aut alia quęlibet magna parvaque
persona audeat vos vel vestrum monasterium de iam superius pręlibato monasterio
molestare aut disvestire et qui hoc facere presumpserit, sciat se
auctoritate domini nostri Ihesu Christi et beatorum apostolorum Petri ac
Pauli et nostra maledictum, excommunicatum et anathematizatum. insuper
compositurum [se sciat] centum aureos mancosos, medietatem camerę nostrę
et medietatem [in] sępedicto vestro monasterio. qui vero pio intuitu custos
et obędiens atque observator huius nostri privilegii extiterit, benedictionis
gratiam et cęlestis retributionis ęterna gaudia a iusto iudice domino Deo nostro
consequi mereatur in sęcula sęculorum, amen. scriptum per manus Petri
notarii regionarii et scriniarii sanctę Romanę ęcclesię, in mense iunii, indictione
suprascripta .XV. datum .VIIII. kalendas ianuarias, per manum Domini
gratia Bosonis episcopi et bibliothecarii sanctę apostolicę Sedis. bene valete.
His temporibus Teuzo pręsbyter filius Ansę dedit in hoc monasterio
res suas territorii Sabinensis ubi dicitur Lucciolus, iusta
ęcclesiam Sanctę Lucię, modiorum .III. item, Siefredus filius
Sienolfi et lohannes filius Benedicti commutaverunt cum domno
Hugone abbate terras in Cesa Veteri modiorum .XXXII. et receperunt
in Tancia montem ubi est castellum Fatucli: a primo
|
|