[ f. , qui in terra] sunt, homines videlicet qui magna
ex parte perierant.
16. AUGUST. ( Tract. psal. XXX, concion . 2, tom. VIII).
In quo et nos sorte . Sorte dixit gratiam, qua salvi
facti sumus. Quare sortis nomine appellat gratiam?
Quia in sorte non est electio, sed voluntas
Dei. Nam ubi dicitur: iste facit, iste non facit,
merita considerantur, et ubi merita considerantur,
electio non est sors. Quando autem nulla merita nostra
invenit, sorte voluntatis suae nos salvos facit,
quia voluit, non quia digni fuimus; haec est sors.
17. LANFR. In quo et nos . Immutatio casuum est,
quasi diceret: in quem, id est, in cujus fidem; vel
in quo, id est, per quem.
18. AMBROS. Cum audissetis , in ipso et vos verba
Evangelii audistis, et ad fidem accessistis, et spiritus
participatione confirmationem accepistis, hoc
enim dicit: Signati estis .
19. LANFR. Signati estis . Ordo est: signati estis
in redemptionem acquisitionis; spiritus enim credentes
signat, id est, ab aliis hominibus discernit,
et separat; quia a peccatis eos purgat et spiritualibus
gratiis ornat.
20. AMBROS. Spiritum promissionis . Bene autem
spiritum promissionis vocavit, quoniam bona quae
exspectant in futuro, sancti Spiritus participationem
exspectant.
21. Pignus haereditatis . Redemptionem illam,
fruitionem, quae tunc erit, vocat, quod formae illius
dabitur.
22. In redemptionem . Redemptionem vocat immortalitatem,
quae erit per resurrectionem, acquisitionem
vero familiaritatem suam quae ad Deum
erit.
23. Ut Deus Domini nostri . Dicens Christi susceptum
indicat hominem; pater gloriae gloriosa est
enim divina natura.
24. Quae sit supereminens , id est, qualia, et quam
|
|