Risus dolori miscebitur, et extrema gaudii luctus occupat.
Liberat animas testis fidelis, et profert mendacia
versipellis.
Responsio mollis frangit iram, sermo durus suscitat
furorem.
Lingua sapientum ornat scientiam; os fatuorum ebullit
stultitiam.
Melius est parum cum timore Domini, quam thesauri
magni et insatiabiles.
Vir iracundus provocat rixas; qui patiens est mitigat
suscitatas.
Melius est parum cum iustitia, quam multi fructus
cum iniquitate.
Homo perversus suscitat lites, et verbosus separat
principes.
Melior est bucella sicca cum gaudio, quam domus plena
victimis cum iurgio.
Corona seum filii filiorum, et gloria filiorum patres
eorum.
Omni tempore diligit qui amicus est, et semper in
angustiis conprobatur.
Animus gaudens etatem floridam facit, spiritus tristis exsiccat
ossa.
Ira patris est filius stultus, et dolor matris que genuit
eum.
Qui prius respondet quam audiat, stultum se demonstrat
et confusione dignum.
|
|