ornatibus evidentissimis argumentis erant diversa. Et auream mediocritatem retinentes,
vicinis cari et civibus universis dilectissimi, in cunctis prosperabantur negotiis et in omnibus
obediebantur disciplinis. Dei enim amore ac antiquorum parentum remediis in urbe
huius non erat, qui omni anno secundum posse suum non reciperet sua in domo summa
cum devotione ad reficiendum duos sacerdotes aut quatuor aut duodecim aut plures, attendentes
illud euangelicum: Qui vos recipit, me recipit, et qui me recipit, recipit eum qui
me misit. Et ut prophetae mercedem acciperent, magna cum humilitate et caritate ipsos
recipiebant. Itaque his et aliis misericordiarum multarum elimosynis, si quid offensionis
laicis inhaerebat, et sacerdotibus illos moribus bonis imbuentibus solvebatur. Caritas quae
multitudinem peccatorum cooperit, universos omnibus bonis affluentes ut mater tuebatur.
Praeterea aetas sine bellorum incursionibus gentium vicinarum aut hostium extraneorum
motionibus, in viris aut mulieribus perfecta integra atque iocunda erat. Et quamvis per
paucula tempora antecedentia otio vacabant, libidini aut variis cupiditatibus minime insistebant.
Tanta enim circa virorum et mulierum praecordia erat constantia, ut nemo nisi
suam uxorem aliam cognosceret. Et prius, quod incredibile videtur, triginta annorum
viri et mulieres erant, quam sese negotiis coniugalibus traderent; unde homines ac feminae
integri fortes atque perfecti, si invenirent hominem duorum pedum aut trium, hunc
non hominem, sed monstrum iudicabant. Aetas integra sana ac opibus universis habundans;
tempus habile, pacificum, iocundum, amoenum, caritativum atque salubre nobis in
omnibus gentibus, quorum in nostris finibus resonabat.
EXPLICIT LIBER SECUNDUS.
INCIPIT LIBER TERTIUS.
1. Quandoquidem multa mei animi desiderium per diversa trahere conantur, et multis
mei animi vel ordinis quassatus tribulationibus, quas ipse iniuste a malis christianis,
si fas est dicere, perpessus sum, ad ea quae ego iam meis tabulis cardinalibus ad posterorum
tutelam denotata esse recolo, ceteris praetermissis quae occurrunt causis, incessanter
redire curabo. Sed quoniam ecclesiastici ordinis multos quodam fastidio nequissimae
pigritiae taediatos cognosco, qui in posteris multa sacrarum scripturarum rudimenta
ostendendo tradere potuissent, quibus sese a pseudosacerdotibus defendere ac liberare
potuissent, minime operam dederunt. Qui dum falsas praedicationes per simulatam castitatem
ac ficta ieiunia, caritatem habere sese omnino simulantes, donis, privatis divitiis,
|
|