Benzo Albensis : Ad Heinricum IV. imperatorem libri VII

Pag 610


Simplicitas innoxia
Cum Puritate socia
Ad fenestras invigilat,
Ne lux intus defitiat.

Portas custodit Castitas,
Ne viciorum vastitas
Iacens in suo stercore
Introrsum possit repere.

Claves sacri palacii
Sine fuco mendacii
Gerit Misericordia
Venię dans primordia.

Haec affuit adulterę
Scribens in terre pulvere:
Si quis non habet scabiem,
Mittat in eam lapidem .

Pietas tenet atria
expulsa Hydolatria
Iacentibus in crimine
Volens manum porrigere,

Ut in confessionibus
Sanetur omnis populus,
Qui in mortis voragine
Non dedignantur plangere.

Hec latronem cum lacrimis
Sanctis suscepit brachiis,
Et fecit primicerium
Ad regale pomerium,

Quod protogibra perdidit,
Quando transgressor extitit;

Torna all'inizio