per ydoneum verbum, ut: 'Bononia docet iura'. (10) Quandoque contentum pro continente accipitur, ut si materia pro materiato ponatur, hoc modo: 'Bachus in argento, digitus lascivit in auro'.
(11) Si ergo vis esse in mitator nobilium poetarum in huiusmodi epithetis et decorem singulis rebus dare, nunc audi Claudianum dicentem:
44. (1) EPITHETA DENOMINATIVA.
(2) 'Glomerantur in unum
Innumere pestes Herebi quascumque sinistro
Nox genuit fetus, nutrix discordia belli
Imperiosa fames leto vicina senectus
Impatiensque sui morbus livorque secundis
Anxius et scisso merens velamine Luctus
Et Timor et ceco preceps audacia vultu
Et Luxus populator opum cui semper adherens
Infelix humili gressu comitatur Egestas'.
(3) Audi adhuc eundem:
'Hic elementorum series sedesque paternas
Insignibat acu veterem qua lege tumultum