LXXVIII. – DE TENSO POST FESTUM SANCTI MICHAELIS.
Item statuerunt quod a Loghia de Vartio Reis et a Cornuto
et a Torrigia infra sit tensum usque ad medium octobre et hoc
sub poena et bano dando dicto comuni soldorum quinque imperialium
pro qualibet vice et noda bestiarum.
In valle autem de Solzio possit quaelibet persona dictae vallis
pasculare cum suis bestiis a fondo dictae vallis versus colterium
illorsum et a prozio de Scarpia sursum usque ad Sanctum Ioannem Baptistam.
LXXIX. – DE BALLIS NON PORTANDIS LOCATIS A PARTITORE.
Item statuerunt quod aliquis victuralium non possit nec debeat
portare nec ducere aliquam ballam seu mercantiam sibi
locatam a partitore nisi dicto victurali contingerit per suam
voltam. Et hoc sub poena et bano soldorum LX imperialium pro
quolíbet et qualibet vice. Cuius poenae tertia pars sit curiae
materellae, alia tertia sit dicti comunis et alia tertia sit accusatoris.
Et quilibet fide dignus possit accusare. Et ultra praedicta
poena amittat voltam illius anni. Quae poena sit aliorum
victuralium.
LXXX. – DE NON HABENDO NISI UNAM BALLAM PRO QUALIBET VOLTA.
Item statuerunt et ordinaverunt quod aliquis victuralium
habens roatam sive voltam in dicta valle Diverii non possit nec
debeat habere pro qualibet roata ballarum nisi unam ballam.
LXXXI. – DE PLANTIS PLANTANDIS SUPER TERRITORIO COMUNIS.
Item statuerunt quod quilibet caput ignis teneatur et debeat
omni anno plantare super suprascripti comunis territorium
unam plantam castanegam et usufructus dictae plantae sit illius
qui eam plantaverit. Dummodo non plantet a XII spaciis
prope terram alterius et a sex spaciis prope plantas alterius sic
plantatas ut supra. Et quod non incidatur nec devastetur aliqua
arbor castanega posita super territorio comunis. Et hoc
sub poena soldorum quinque imp. pro qualibet arbore castanega
et pro qualibet vice. Et quilibet fide dignus possit accusare.
Quae poena sit dicti comunis.
LXXXII. – DE FENO VENDENDO.
Item statuerunt et ordinaverunt quod in dicta valle Diverii
foenum vendatur et ematur ad computum centenarii sub poena
soldorum quinque imperialium pro qualibet persona contrafaciente
et qualibet vice.
|
|