Petrus de Vinea: Epistolarum libri VI

Pag 459

Tomus I


cantabitur. Talis ergo praesidio Principis
protectus mundus exultet, talem namque
totus orbis vocabat in dominum [talem requirebat
justitiae defensorem,] qui in potentia
strenuus, in strenuitate praeclarus, in claritate
benignus, in benignitate sapiens, in sapientia
providus, in providentia foret humanus.
In eo denique insita forma boni, tanquam
livore carens, climata ligat, et elementa
coniungit; ut conveniant flammis frigora,
jungantur arida liquidis, planis associentur
aspera, et directis invia maritentur; sub
ejus namque partibus destruuntur fomenta
malitiae, virtus Securitatis inseritur; itaque
gladii conflantur in vomeres, pacis foedere
suffocante timorem, et ejus metus instinctu
quicquid libertas negligit et licentia moderata
praesumit, victoriae censura
castigat. O miranda divina clementia, fastum
compescere prompta, perituro mundo
de tam mundo Principe tam consulte
quam utiliter providisti, qui ex omni parte
beatus, strenuus, in toto cujuslibet turbationis
pacator justissimus, sine cura populi solus
esse nesciret, quem supremi manus opificis formavit
in hominem, ut rerum habenas flecteret,
et cuncta sub juris ordine limitaret. O
utinam divina provisio, per parenthesin dierum
nostrorum numerum resecans, et Caesareae

Torna all'inizio