b) Testo di Bologna.
VISIO BEATI BERNARDI DE ANIMA AD CORPUS.
I Noctis sub silentio, tempore brumali,
Deditus quodammodo sompno spirituali,
Corpus carens video spiritu vitali,
De quo michi visio fit sub forma tali.
II Cum dormirem paululum, vigillando fessus,
Ecce quidam Spiritus, noviter egressus
De predito Corpore, graviter oppressus,
Corporis cum gemitu plangebat excessus.
Anima ad Corpus.
III Iuxta Corpus Spiritus stetit et ploravit,
Et hiis verbis acriter Corpus increpavit:
« O Caro miserima, quis te sic prostravit,
Quam mundus tam prospere pridie ditavit?
IV Nonne tibi pridie mundus subdebatur?
Nonne te provintia toto verebatur?
Ubi nunc familia que te sequebatur?
Cauda tua florida iam nunc amputatur!
V Non es nunc in turribus de petris quadratis,
Sed nec in palatiis magne largitatis;