Crimen majestatis post mortem rei etiam incipit et tractatur; rei
memoria condempnatur, adeo ut quicquid contraxerit, fecerit, statuerit, a
die criminis nullam habeat firmitatem; set omne quod habuit, fisci
iuribus vendicetur.
Hoc crimine qui parentem purgaverit, eius successionem meretur.
Hoc crimine tenentur omnes, quorum consilio fugiunt obsides, armantur
cives, seditiones moventur, concitantur tumultus, magistratus necantur,
exercitus deseritur, ad hostem fugitur, socius proditur, dolo malo
cuneus discinditur, bellis ceditur, ars desolatam relinquitur, sociis
auxilium denegatur, cetaraque hujusmodi sicut regii consilii explorator, summissor
et publicator, et qui susceperit hospitio hostes regni, et ductum prbeuerit
non ignarus.
XIX. De nova militia
Divine iustitie consentientes probanda probamus contrarium refutamus.
Sicut, enim, nullatenus exasperandi sunt boni, ita beneficiis non
sunt fovendi mali. Sanccimus, itaque tale proponentes edictum, ut si quicumque
novam militiam arripuerit, contra regni nostri beatitudinem, atque
pacem, sive integritatem, militie nomine et professione, penitus decidat,
nisi forte a militari genere per successionem duxerit prosapiam.
Idemque statuimus de sortientibus qualiscumque professinis ordinem, ut
puta si vel auctoritatem iudicii optinuit, sive notariorum officium, ceterisque
similibus.
XX. De falso
Qui litteras regias aut mutat aut quas ipse scripsit notho sigillo subsignat,
capitaliter puniatur.
XXI. De cutendibus monetam
Adulterinam monetam cudentibus, vel scienter eam accipientibus,
penam capitis irrogamus, et eorum substantiam publicamus; consentientes
etiam hac pena ferimus.
|
|