maiores quoque personas et domnos persepe blandiendo
postulare, respondendum est, quod tunc non
servat ordinem sue dignitatis. Et enim ipse,
qui postulat, inferiorem se esse demonstrat; omnis
namque qui postulat, minor est eo, qui postulatur.
Que vero a pari ad parem mittitur epistola,
idcirco mediocris dicitur, quia inter sublimem
et exilem media existens nec ascendit ad
superiorem nec descendit ad inferiorem; sed
servans parilitatem, duo in se accidentia continet:
blanditionem et petitionem.
Ceterum quia diversi diversa sentiunt et
quidam sano intellectu sana, quidam pravo perversa
asserunt, non absurdum putavimus diversorum
sensum nostris intermiscere sententiis:
Vocant enim sublimem,
que a sublimi persona mittitur.
|
|