.XXVII. prętio argenti librarum .VI. ad pensionem reddendam
grani modium unum; ordei unum, speltę unum, operas tres
et xenium unum, de olivis vero quartam partem. in Peterolo
et in Canali pro solidis .XL. in Aquiniano modium .I. pro solidis
.X. in Tribiliano, et in Marciliano, et in Villa Rustica, et
in Castellione pro solidis .C.
Hic vero memorandus ac domnus abbas Almericus huius bona
monasterii intus vel extra extitit per omnia conservator fidelis,
nec ea alicuius aura favoris in aliquo divastavit, sed pio affectu
ac opere benigno magnaque sagacitate mirabiliter ampliavit. ęcclesiastica
quoque ornamenta et librorum volumina in hoc monasterio
studiosissime auxit. fertur autem quod artis grammatice
et Scripturę divinę libros quadraginta duos maiores minoresve
hic accumulare curavit. de vestimentis autem et cibis confratrum
sic honorifice et decentissime ac sollemnissime studebat, ut
nullus inter eos indigens aut despicabilis videretur. nemo circum
morantium comitum aut aliorum persecutionem aliquam vel
divastationem pręsumebat inferre in bonis abbatię. quibus etiam
bona huius monasterii male aliquando petentibus omnino denegabat.
donantem enial bona ęcclesiastica histrionibus et seculi
tyrannis fraudulenter et inutiliter et absque maximo decentique
ęcclesiastico proficuo, secundum sanctissimi Augustini sententiam,
asserebat morte dignum, et Iudę perdito comparandum. in suis
etiam vestimentis non erat superfluus nec renovator frequentissimus,
sed parcus ac religiosus in omnibus, non etiam delicatus.
pro mortuis quoque oblationes huic monasterio allatas, his Dei
servis auferentes, vel in secularibus sumptibus lubrice expendentes,
referebat sacrilegos apud Deum fore, et pauperum pessimos necatores.
et quidem florebat in utroque hoc cęnobium ipsius regiminis
temporibus, et abundabat bonis omnibus. ubicumque
autem horum quisquam fratrum obviabatur, propter prędicti patris
et cęterorum seniorum religionem et innocuam pręlationem, tamquam
Dei angelus in itinere adorabatur, et ut Christi apostolus
|
|