Sequenti vero mense Septembris imperator cum imperatrice
causa legendi exercitus in terram Teutonicam cum omnibus
fere, qui secum ex Teutonicis in Longobardia fuerant,
perrexit suosque missos et procuratores per omnes fere Longobardie
civitate, qui sua iura suasque raciones, quas in Longobardia
habere debebat, colligerent, dimisit. Apud Cumas
namque magistrum Paganum relinquit; comitatum Sebriensem
comiti Gozolino donavit; Mediolanensibus autem
Girardum preesse iussit; Laude vero Lambertum de Numace
suum procuratorem esse, qui etiam omnes Cremenses
distringebat, constituit; apud castrum quoque Tricii
Ruinum potestatem esse disposuit, qui suas rationes per
totam Martexanam ac per totum Pergamensem episcopatum
et etiam usque ad Ripaltam Siccam exigeret: Placentie namque
Aginulfum, quandoque Arnaldum Barbavariam, quandoque
… manere precepit; apud Brixiam sane Bertaldum
|
1
5
10
15
|