pena debita feriat delinquentes», vel «ne trahamus maculam ex
criminibus alienis, virga correctionis et non osculo deceptionis
punire volumus transgressores; ne via delinquendi aliis pateat
per exemplum, commissum delictum pena debita castigetur,
quia dignum est ut quos Dei timor a malo non revocat
saltem coerceat rigor ecclesiastice discipline; quia bonis bonitas
non prodesset, si malis malitia non obesset; quia secundum
legem defendi non debet qui committit in legem; quia
in una eademque persona et vitia odire debemus et virtutes
amare; reprehendere ergo te possumus et damnare» vel «reprehensioni
subiaces vehementi» vel «culpa te reprehensibilem
exhibet et facti qualitas te incusat; quia sine nostra
licentia et mandato» vel «nostra licentia non habita nec
petita, te trastulisti ad studia litterarum» vel «desolata ecclesia
et servitio Ihesu Christi condiscere conaris scientias lucrativas»,
vel «dimisso habitu et monastica disciplina vagus
et perfugus discurris per civitates et terras», vel «abiecta
regula et obedientia pretermissa non sine proprie salutis dispendio
tanquam laicus evagaris». - «Quare tibi precipimus
et mandamus» vel «mandando precipimus» vel «precipiendo
mandamus» vel «tibi damus litteris presentibus in
mandatis» vel « tibi sub districtione qua possumus mandamus
firmiter iniungendo» - «quatenus omni more et occasione
remota» vel «postposita, revertaris» vel «desolatam ecclesiam
repetas festinanter», vel «reassumas habitum iam dimissum»,
vel «ad tuam conscientiam revertaris», vel « tue
saluti consulas et honori», vel «preterita satisfactione sequenti
satagas expurgare» vel «ad cor redeas et viam repetas veritatis»
- «Alioquin» vel «aliter» vel «que si non
feceris» vel «facere curaveris» vel «non studueris adimplere;
in te dictabimus» vel «faciemus» vel «pronuntiabimus
excommunicationis sententiam, iustitia exigente» vel
«tuum beneficium alii conferemus» vel « alii curabimus
assignare, sicut postulat ordo iuris; nolentes tuam absentiam
amplius expectare» vel «hoc diutius tolerare propter scandalum
plurimorum» vel «propter peccatorum molem» vel
«ne perniciosum exemplum in postdum generetur.»
|
|