guadiam, et iam dictum mediatorem ad pignerandum obligamus nobis
ipsis qui supra prenominati, si necesse est vel ad aliis missis predicti
monasteri per nominative bobi, et bacce, et porci sui et
scirpas intro casis et alia causa usque ad legem. Scripsi ego
Iohanne notarius. Ego Maio. Ego Pando. Ego Iohanne
notarius.
Alexander episcopus servus servorum Dei. Venerabilibus
fratribus Teanehsi, Suessanensi et Kaiacensi episcopis, salutem
et apostolicam benediccionem. Significavit nobis dilectus
filius noster abbas Sancti Vincencii de Monte quod magna
tenimenta predecessores sui, sine fratrum consilio, distraxerunt
licet ad mensam monachorum suorum specialiter pertinerent. Vnde
quoniam officio nostro congruit, et saluti ecclesiis in suis iusticiis
prestare auxilium pariter et favorem, fraternitati vestre per apostolica
scripta mandamus quatinus, cum propter hoc fueritis requisiti,
Capuani accedentes, si qui tenimenta ipsa detinere forte voluerint,
causam inter eos et predictum abbatem diligencius audiatis,
et rei veritate plenius inquisita, eandem causam <con>cordia non
differatis vel iudicio terminare. Datum Tusculani, .II. idus
augusti.
|
|