III. BENEDICTIO VINI IN AMORE JOHANNIS.
EVANGELISTE ET APOSTOLI
In principio erat verbum. etc. Deo gratias. etc. Oremus: Protector in
te sperancium. etc. Psalmus: Dominus regit me. etc. Psalmus: Levavi
oculos meos. etc. Kyrie eleison. Respons. Pater noster?.. et ne nos. etc.
Salvos fac fideles tuos. Deus meus. sperantes in te et si mortiferum
quid biberint. non eis nocebit. Gustate et videte. quam suavis est Dominus.
Beatus est homo. qui sperat in te. Gloria patri. etc. Dominus vobiscum.
Oremus + Deus et pater Domini nostri Jhesu Cristi. cujus verbo celi
firmati sunt. cui omnis creatura deservit et omnis potestas subjecta est.
metuit et pavescit. nos te Jhesum Cristum in adjutorium nostrum invocamus.
cujus audito nomine serpens conquiescit. draco fugit. vypera silet.
rana inquieta torpescit. scorpio extinguitur. regulus vincitur. squalangus
nichil noxium operatur et adhuc forciora animalia venenosa omnia noxia
temperantur. te quesumus. omnipotens Deus. ut extinguas + et expellas
omnes dyabolicas fraudes et adversas nequitias ab humano genere et +
benedic hunc liquorem vini per intercessiones Beate Marie. virginis. et
Sancti Johannis. evangeliste. et omnium sanctorum. ut. quicumque in honore
Sancti Johannis Evangeliste. hodie gustaverunt. tu eos ab omni intoxicatione
venenosa + custodias + benedicas + et ad regnum glorie tue perducas. ubi
pax est et leticia per infinita seculorum secula. Amen. Et benedictio Dei Patris
+ et Filii + et Spiritus Sancti + descendat super hanc creaturam vini. Amen.