Estis profecto, ut veridico utar eloquio, viduarum orphanorum pauperum et divitum providus defensor, superborum cunctorum pravorum potentissimus refrenator; estis nimirum dextra validissimus, mente providus, animo constans, bello potens et victoria mitis. Confidenter igitur imperialem deprecor maiestatem quatinus celsitudinis vestrae gratiam super Bononiensem comitatum vobis obedire peroptantem in vestri adventu demonstrare dignemini, et obsides vestre civitatis mihi committere, si placet, non dubitetis.
|
|