Gregorius de Catino: Chronicon Farfense

Pag 251


summo pontifice roboratę, et eo qui statuit vivente et quocumque
pontifice succedente, firmissimę et inconvulsę atque incorruptę perpetuo
sunt habendę. quarum sponte pręvaricatores ęterna punientur
ultione. de his enim Clemens Romanę Ecclesię pręsul
scribit, quod « Omnes legum divinarum libenter violatores et sacrarum
institutionum voluntarię perturbatores ecclesiastica indignos
regula et sancta communione beatus Petrus apostolus ore suo
iudicabat ». item: « Pręcepta apostolica nemo credat absque
suo periculo negligere vel dissimulare, quia in iudicio Dei ignis
ęterni tormenta sustinebit qui ecclesiastica decreta negligit ».
item: « Si quis pręcepta apostolica non integra custodierit, sit anathema
usque in adventum domini nostri Ihesu Christi ». Anacletus
papa: « Transgressores sponte legis suę eiusque violatores
apostatę nominantur. omnis autem apostata refutandus est ».
item: « Privilegia ecclesiarum et sacerdotum sancti apostoli iussu
Salvatoris intemerata et inviolata eius decreverunt manere temporibus.
leges vero Ecclesię apostolica firmamus auctoritate,
et peregrina iudicia submovemus ». Evaristus papa: « De
cetero caveantur talia per omnes ecclesias ne Ecclesię sanctitas
per nostram fatigata negligentiam perdat privilegia quę per viros
venerabiles est consecuta ». Alexander: « Nobis loqui necessitas
imperavit dicente Propheta: “Exalta ut tuba vocem tuam”.
et cui omnium ecclesiarum cura est si dissimulem audiam, Domino
dicente: “Reiecistis mandatum Dei ut traditiones vestras
statuatis”. quid enim aliud est reicere mandatum Dei
quam privato consilio iudicio humano novis rebus constituendis
liberius delectari ? unde et alibi scriptum est: “Ne transgrediaris
terminos antiquos quos posuerunt patres tui”. Terminos
indubitanter transgreditur qui dominica pręcepta et apostolorum
eorumque successormn statuta confundit, et minime observat ».
Xistus papa: « Nos, fratres, nullum perdere volmaIus, sed ipse se
perdit qui pia inconsiderate avertit et qui apostolorum et huius

Torna all'inizio