ob rem, cuius causa, hinc est. profecto, verumque, quocirca, quare,
qua de re, idcirco, unde, inde, proinde, qua in re, et hiis similia.
Verba que possunt pertinere ad prelatos mittentes ad subditos
sunt ista: Mando, precipio, iniungo, iubeo, impero, et similia; quatenus,
statim, illico, continuo, confestim, presenter, properanter, presencialiter,
celeriter, festinanter.
Verba que competunt inter pares sunt ista: Rogo, deprecor, exoro,
flagito, posco, deposco, precor, supplico, surrogo, et similia; devote,
instanter, amicabiliter, reverenter, multifariam, instantissime, quatenus
possum, prout possum.
Capitulum II
DE MODlS PETENDI
1. Quantum ad clericos tam subditos quam prelatos
Supplicamus itaque altissime sanctitati vestre quatenus, etc. Sicque
benignissimam clemenciam vestram precantes parcite quesumus causa
commissa ac expietati pietate remittite suggestione diabolica.
Eapropter altitudini ac dominacioni vestre inclinamus humiliter quatenus,
etc. Quapropter dominabilem paternitatem vestram subiectis precibus
exoramus quatenus, etc. Ecce igitur talem presencium latorem
vobis fideliter commendantes, munificenciam vestram precamur. Nos
autem, volentes pro debito ecclesiarum iura conservare illesa, devocioni
tue, qua fungimur in hac parte, auctoritate mandamus quatenus,
etc.
2. Quantum ad religiosos inter se
Supplico igitur caritati vestre propensius quatenus, etc. Vestre
igitur paternitati sancte inclino quatenus, etc. Summe igitur, fili, precor
et hortor ut adversus hostem audaciam sumas atque robur: non
enim potest devincere vel decipere in nolentes. Semper igitur hec
nunc, prout precor, cogita que sunt Dei, diabolicas fraudes adverte,
et mundum et carnem fallacia polliceri.
3. Quantum ad nobiles et potentes
Cuius rei causa, excellenciam et nobilitatem vestram humiliter subrogamus
quatenus, etc. Ex quo, vobis facundas assurgentes ad gracias,
nobilitatem vestram precamur. Itaque precor quatenus, etc. Ideoque
nobilitatem vestram requirimus attente precantes quatenus, etc. Idcirco
dominabili probitati vestre attentissime supplicamus quatenus, etc.
|
|