Anno ab incarnacione domini nostri Iesu Christi sunt millesimo
vicesimo secundo, et imperante domno Henrico serenissimo
imperatore augusto, anno imperii eius Deo propicio in Italia octavo,
et dies [.....] mense februarii, per indiccionem quartam. Actum
in territorio Beneventano, feliciter, amen. Theiricus cancellarius
interfui et subscripsi. Leo servus Eosebii. Eusebius episcopus et
missus imper[ator]i[s] affuit, decrevit et in eternum valere precepit.
† Signum manu[s] Bezelini comitis ibi fui[t]. † Signum manu[s]
Arnonii, qui ibi fuit. Adelgisi iudice ibi fui[t]. † Signum manus
Attoni comitis qui ibi fuit. Signum manu[s] Benedicti, qui ibi fuit.
MORTUO igitur Henrico imperatore pio, Conradus nepos eius
factus est imperator. Hic Romam veniens, coronam
accepit a Benedicto papa nono. inde Capuani ingreditur
ubi eo residente venerabilis abbas Ylarius ad eum venit, et honorifice
susceptus, huiusmodi preceptum ab eo suscepit.
|
|