B. protestatione conflatus, munimenta fiducie, ut negotium meum,
dudum per litteras Regias domino iustitiario fiduciose commissum, eo
fructuosum reciperet prosequtionis a vobis celeritate subsidium, quo gratiosum
iussionis auctoritate compendium expectabat. Propter quod ex
concepto vos deprecor ut, … latorem presentium – quem sub spe
vestra specialiter dirigo – habentes in ipsius effectiva promotione negotii commendatum,
ostendatis ex opere qualiter fructum eiusdem gratie, que me vobis
exinde tenaciter obligabit, ab interpositionis vestre suffragio recognoscam.
Manfredus … Comiti Pisarum, per Nicolaum de Rocca.
Libertas arbitrii desuper infusa mortalibus, ex usus inconsulta lascivia,
sic humane nature fragiles inebriavit affectus, sic tradite sibi felicitatis
universalia circumscripsit, ut primi parentis actus illicitus ex mandati
dominici prevaricatione lasciviens, non solum transgressoris personam
inficeret, sed, ex ipsius veteris commixtione fermenti totius generis commaculata
posteritas, proclivis ad culpam cotidie defluat et masse corrupte
originalia machinamenta deploret. Sic igitur homo, creaturarum dignissima,
fragilitate carnis traduce profusus ad vitia, dum substantiali differentia
rationis, per quam a brutorum communione secernitur, per se non
|
|