Cap. XLIV.
Fidelibus suis de victoria habita contra volentes
juvare Parmenses, de exactione pecuniae.
Etsi nobiscum hactenus, postquam a regno
discessimus, eventu vario fortuna
certaverit, eatenus veruntamen nos superiores
in aera felicitas nostra constituit,
ut jam non vinci posse sed vincere procul
dubio confidamus. Ter sena projecimus, velut
qui multitudine pugnatorum, partem
adversam Parmensium civitatem laborantem,
in ultimis juvare volentem in tantum excessimus,
ut inter vires nostras et suas,
tanquam inter non participantia comparatio
nulla vel modica censeatur. Unum solummodo
nobis ad festinam plenam victoriam
deficit, quod ad sustentationem stipendiariorum
nostrorum aliorumque fidelium, quos a
remotis Imperii finibus, ad participium victoriae
nostrae fortissimus fidei zelus imparatos
et subditos evocavit, sufficientem pecuniam
non habemus. Ad quam tamen
ex vestro subsidio, quod nunquam nobis hactenus
defuit, o fideles, tum ex quibuscunque
Curiae nostrae proventibus colligendam,