Gregorius de Catino: Chronicon Farfense

Pag 125


et medietatem casalis quem tenuit Iohannes Becca et medietatem
casalis Petri de Stephano, eo videlicet tenore, ut quęcumque
habent inter fluvium Currisem et rivulum Calenthlum
ipsi vel hęredes eorum non vendant nec donent aut commutent
aut quolibet ingenio alterius potestati submittant nisi huius monasterii;
quod si in hoc monasterio vendere voluerint, prętium
accipiant .CXX. librarum suptilium nummorum. collata est
autem huic monasterio a quodam viro alia res in Serrano, et
Pinti, et Verrucule. et alia res comitatus Reatini ubi dicitur
Macclę, idest casalem filiorum de Silvo, et casalem Franconis Fosceli.
quidam vero Berardus filius Tedirmarii cum uxore sua
concessit huic monasterio res suas, idest casalis Passari suam
portionem, et in Mozano, et Capriano, et castelli de Sculcula
turrem et sextam partem eiusdem castelli, et suam portionem de
rocca in pede Montorii super Laia, et in Cusiano ad montem de
Perella, et ad Faringeta. et alia res donata est huic monasterio
a Benedicto archipręsbytero in Pinti, et Verruculę, et Canali,
et in Sextiliano.
Quadam autem die, scilicet tertio kalendas maii, cum pręparatus
esset domnus abbas Berardus infra civitatem de Corgnito,
in platea iuxta ęcclesiam Sancti Martini, cum Hugone iudice advocato
suo ad iustitiam et legem faciendam cum Rainerio abbate,
Sancti Cosmę de Roma trans Tyberim qui in Mica Aurea ponitur
de intentione ęcclesię Sanctę Marię in Minione, et Sancti Archangeli
Michahelis, et Sancti Peregrini cum earum pertinentiis,
et ipse Rainerius abbas ibidem nollet accipere, et cum taliter audisset
qui ibi aderat domnus Adelbertus missus domni Bonefatii
ducis et marchionis, una cum Ingelberto episcopo Bledę ac misso
domni Leonis papę, iussit ad suprascriptum domnum Berardum
abbatem huius monasterii ut ipsas res firmiter teneret ad ius et
proprietatem huius ęcclesię Sanctę Marię, donec donmus Bonefatius
dux iusserit quid inde facere debeat.

Torna all'inizio