quod quasi propter picarum circinium
dictum est Picericum. Alterum vero citra
Orta fluvium aedificavit, cui nomen impositum
fuit Salle, quia in ipso saltu montis, et infra
saltum lignorum est positum.
983.
Per idem tempus anno videlicet ab Incarnarione
Domini nongentesimo octogesimo tertio,
Indictione undecima cum Domnus Otto secundus
Imperator in Apuliam profectus, et
Ottone filio suo in Regem coronato, apud
Varim civitatem maneret, Joannes Pinnensis
Episcopus, qui jam bis victus fuerat in Curia
Imperatoris Adelberti tempore Hilderici Abbatis,
quasdam villas, videlicet Ranile, Mampopplo,
Accole, Turri, Superclo, Fullonice,
et Arcessano invaserat, ibique a Domno Adam
Abbate superatus atque devictus cum rubore
dimisit, et tam sibi, quam successoribus suis
perdidit.
Sane Tresidius Comes, cui frater erat supradictus
Scifredus, cum magnae devotionis
esset circa Beatum Clementem liberatorem
suum, eo tempore quia potens erat in illa regione,
Domno Adam Abbate volente, quoddam
ex aliquibus istarum villarum possessionibus
Castellum aedificavit, quod cum filiis supradicti
Luponis, et aliis consortibus suis et
consanguineis displiceret, et ipse non desisteret,
conviciabantur ei dicentes: Hoc est Castrum
Abbatis ejus: quod verbum ipse Comes
magnanimiter concepit, et quia dicebant castrum
Abbatis ejus, imposuit ei nomen Abbatejum,
quasi Abbatis ejus.
Postquam autem excellentissimus Abbas
Adam de Apulia regressus est ad Monasterium
et omnia in eodem statu tranquilla possideret:
in 1oco qui dicitur Petraniqua construxit Castellum
de Petelliano, monte Falcone, valle
Lupa, et altera medietate Opaculi. Corvariam
quoque construxit, in quo Casule Lectum
et Niranum posuit. Et dum his, quae
supra diximus, construendis Abbas Adam esset
intentus, Deus volens remuneractionem reddere
pro labore, in quo ad profectum Ecclesiae
annis viginti et uno desudaverat, percussus
corporis infirmitate cum sentiret suae mortis
sibi diem approximare, sumpsit Viaticum, et
habens cum Fratribus colloquium, commendavit
illis obitum suum; et ita laetus et securus
de se perrexit ad Dominum.
987.
IX. ABBAS JOHANNES.
Quo tumulato Fratres quemdam ex suis,
Joannem nomine, ipsius Monasterii Decanum,
elegerunt, et secundum consuetudinem
Ecclesiae in sede posuerunt; et ut
imitator boni Pastoris sui, videlicet praedecessoris,
esset, et dictis et factis saepius commonuerunt.
Qui Johannes cum esset Abbas effectus,
coepit facere praestarias de rebus et possessionibus
Monasterii, sicut reperitur et legitur
in chartulis dierum Abbatiatus sui. Quae chartulae
incipiunt ab anno Dominicae Incarnationis
nongentesimo octagesimo septimo. Quo videlicet
anno venerandae memoriae Adam Abbas
est defunctus et ipse Johannes Abbas fuit
electus.
Quidam suprascriptus Comes fuit, qui Atto
vocabatur, qui veniens ad praedictum Johannem
Abbatem accepit ab eo in Comitatu Aprutino
|
|