suam in integrum. Ascarus illustris vir dedit in hoc monasterio
et Beraldo abbati res suas in comitatu Spoletano ubi dicitur
Furca Casalinę et Misanus servitium quod ei facere debebat
Stefanus de Teuzo, et in Misano servitium Stefani de Alberto
et Stephani et Petri et Massarelli filiorum Uccellonis, omne servitium
quod ipsi et heredes eorum per usum facere debent, ita
ut non habeant ipsi licentiam alicui servire nisi cum voluntate
suprascripti abbatis vel successorum eius abbatum. Albertinus
comes filius Gualterii comitis Tudertini dedit in hoc monasterio
omnes res suas in cuncto ducatu Spoletano et in comitatu
Tudertino, excepta portione sua de monte Castro cum sua pertinentia.
de totis aliis castris et ecclesiis concessit portionem
suam. et consentiente Burga coniuge sua dedit in ecclesia
Sancti Nycolai de Lanciola, quę est cella huius monasterii, res
ipsas quas per pręstariam receperat ab hoc monasterio, idest
ipsam silvam et terram in integrum quam per concambium a parentibus
suis legaliter in transactum accepit, et portionem de
molendino in Naia de Grassis, et Berardum de Lęto cum omni
suo tenimento et portione molendini de Meso, et fratrem eius
Hugonem cum omni tenimento, et alium hominem nomine Letulum
in fundo Ripa Labornia cum suo tenimento, exceptis casalinis
de castellis. et concessit fruges omnes de terris et vineis
per totum fundum Confinium. domnus Beraldus abbas confirmavit
cuidam Valentino abbati ecclesię Sancti Petri in Vallibus
portionem eiusdem monasterii quam Rapizo comes in hoc monasterio
concessit, ut teneat eam secundum nostram consuetudinem,
et promisit ut nec ipse neque eius successores prędictam
obędientiam ei sine sua voluntate vel assensu tollat. et ipse
abbas Valentinus firmavit hoc monasterium et prędictum abbatem
eiusque successores, quod fidelis foret deinceps huic ecclesię et
abbatibus nostris, et quę in ipsis partibus habemus vel ulterius
acquiremus, contra omnes homines nos ad retinendum adiuvare
studeret sine fraude et malo ingenio. sic promisit observare
per sacra evangelia. et suscepit ipsam obędientiam quam paulo
|
|