Guido Faba: Dictamina rhetorica

118


nos taliter precibus laborasse, quod ex impositione publice
factionis nulla gravamina sentietis.
LXXXIV.
De prelato qui revocat subditum occasione studii
absentem.

Hugolinus Dei gratia episcopus Mutinensis, dilecto in Christo
filio B. capellano talis loci salutem in Domino. Non est
decens vel consentaneum rationi, sed saluti proprie noscitur
inimicum, ut clericus aliquis, maxime competenter instructus,
ecclesiam suam quasi viduam occasione studii derelinquat, non
inspecto quod ad sobrietatem scire debemus, et non plus quam
oporteat, apostolo premonente quod caritas edificat, sed hominem
facit scientia superbire. Quare tibi mandamus ut ad tuam
ecclesiam mora postposita revertaris, alioquin tuum beneficium,
exigente iustitia, curabimus alteri designare.
LXXXV.
Responsiva ad predictam.
Ex responsione timerem vitium presumptionis incurrere,
si vestris dictis in aliquo forsitan obviarem. Sed, petita venia
et licentia consecuta conqueri possum et de vestra prudentia
merito admirari, quia cum accesserim ad studium noviter de
vestra licentia et mandato, ad propria nunc voluntate mutata
me tam subito revocatis. Unde vestram dominationem deprecor
affectione qua possum, quatenus, pietatis intuitu, me vestrum
per omnia sinatis in studio saltem hac hieme commorari,
scientes quod postea revertar vestris preceptis in omnibus
pariturus.

Torna all'inizio