Iohannes Berardi: Chronicon Casauriense

Pag 903


Ego Joanne Presbyter Cardinalis Sanctorum Joannis
et Pauli tituli Pammnatii.
Ego Henricus Presbyter Cardinalis Sanctorum Nerei,
et Achillei.
Ego Guillelmus Presbyter Cardinalis tituli Sancti
Petri ad Vincula.
Ego Bosa Presbyter Cardinalis Sanctae Pudentianae
tituli Pastoris.
Ego Hyacinthus Diaconus Cardinalis Sanctae Mariae
in Cosmedin.
Ego Oddo Diaconus Cardinalis Sancti Nicolai in
Carcere Tulliano.
Ego Arditio Diaconus Cardinalis Sancti Theodori.
Ego Manfredus Diaconus Cardinalis Sancti Georgii
ad Velum aureum.
Ego Ugo Diaconus Cardinalis Sancti Eustachii juxta
templum Agrippae.
Ego Vitellius Diaconus Cardinalis Sanctissimorum Sergii,
et Bacchi.
Ego Theodinus Diaconus Cardinalis Sanctae Mariae
in Portico.
Ego Petrus Diaconus Cardinalis Sanctae Mariae
in Aquiro.
Datum Laterani per manum Ermanni
Diaconi Cardinalis Sancti Angeli decimoquinto
Kalendas Aprilis, Indictione decimaquinta, Incarnationis
Dominicae anno millesimo centesimo
sexagesimo sexto, Pontificatus vero
Domni Alexandri Papae III. anno sexto ”.
Hic Abbas impetravit, ut Castellum Sancti
Mauri, super litus maris Adriatici quondam
situm, reaedificaretur ad suae Ecclesiae profectum.
Sed quibusdam in hoc facto fraudulenter
adversantibus, id efficere non potuit. Tamen
inde concessionis chartulam a regali Curia
acquisivit. Constituit etjam, ut Frater Monachus,
qui Sanctae Mariae de Pesile fuerit Praepositus,
habeat etiam in augmentum suae necessitatis
Praeposituram Sancti Angeli de Casule, salvis
omnibus reditibus, quae ipsae ambae Ecclesiae
Sancto Clementi persolvere debent, ut chartula
docet.
Tunc temporis cum Rogerius de Tocco cum
fratribus suis ipsam terram tenerent, concesserunt
Sancto Clementi Ecclesiam Sancti Victorini,
sitam in ipsa pertinentia Tocci, indeque confirmationis
literas facientes, eas Monasterio
porrexerunt.
Conflixit praeterea Leonas Abbas multotiens
cum adversariis Ecclesiae; praecipuae cum Comite
Boamundo Manuplelli, qui post priorem
Comitem Boamundum Tarsensem in possessionibus
Ecclesiae debacchatus est, et persecutus
Ecclesiam Sancti Clementis, odio ipsius Abbatis,
et gentis suae. Habuit siquidem conflictum
cum eo semel apud Salernum, ibique coram
Simone Senescalco, totius regni Magistro Capitaneo,
et tota regali Curia super rationibus
Ecclesiae, confutavit eum atque devicit. Deinde
in Apuliam apud Fojas coram Comite Gilisberto
similiter tunc temporis Magistro Capitaneo,
et gubernatore totius regni, et tota
regali Curia, querelis depositis rationabiliter
devicit et superavit. Igitur res, quae ex ipsis
quaestionibus recuperatae fuerunt hae sunt:
Videlicet quaestio fuit de montibus, et lignis
silvarum montis Ursae, Tarini atque Magelle.
Quaestio fuit de Ecclesiis et Obedientiis magnis
et minimis per Comitatum Manuplellensem
constitutis, Ecclesiae Sancti Clementis subditis
et pertinentibus. Quaestio quoque fuit de
hominibus in eodem Comitatu eisdem Ecclesiis
subjacentibus. Quaestiones aliae plures fuerunt,

Torna all'inizio