ordinem Melchisedech; nec necesse foret.
Cum esset , etc. Sed Christus est Sacerdos in aeternum,
non Aaron: Aaron enim, quia mortuus est,
non est sacerdos: Christus vero, qui vivit, sempiternus
est sacerdos, non talis quales sunt umbratile
sacerdotium gerentes. Vel ita: Si ergo , etc.
Ratio hic ostenditur cur Christus se obtulerit:
Quasi dicat: Necesse est Christum aliquid offerre,
ergo seipsum, et vere necesse est ut offerat: quia
etsi esset super terram, quod pro peccato totius
mundi digne posset offerri, non esset tamen sacerdos
offerre dignus.
Item eodem capite paulo post:
Ad haec, Cum essent qui offerrent munera secundum
legem . Restat ergo ut ipse se offerat, et sic introeat
in interiora coeli. Qui , etc., essent qui offerrent
munera, dico, quid tales deserviunt, id est,
plene serviunt, exemplari id est figurae. Et , pro id est,
umbrae coelestium mysteriorum. Coelestia dicit Ecclesiam,
cujus pars in coelis regnans, pars secutura
peregrinatur in terris. Exemplar autem, et umbras
dicit figuras, quae exemplar sunt, et exemplum respectu
diversarum rerum.
|
|