vel alteri eorum, ab ipso I. vel eius heredibus,
interim, vel semper, ab eo et eius heredibus, et ab omni
persona pro eo, vel eius heredibus, de iure et de facto
seu fortia, omnia predicta et singula defendent et expedient,
et dampna et expensas resarcient, ac conservabunt
ipsum et eius heredes exinde indempnes. Alioquin:
si omnia vel singula non observaverit, promisit,
et quilibet in solidum, dare et solvere eidem, nomine
pene, libras tot pisanas, et dampna et expensas emendare,
et post hec ex pacto firma tenere sub ypotheca
rerum suarum; vel obligaverunt et pingnus fecerunt ei
tale pignus; vel: bona sua presentia et futura, constituentes
et cetera. Eodem modo potest et debet quis
promittere et se obligare pro fratre, filio vel nepote, vel
alia persona necessaria; pupillo adulto hoc modo facere
debet.
DE VENDITIONE FACTA A PUPILLO ADULTO ET CONFIRMATIONE VENDITIONIS FACTE A TUTORE.
Talis, filius quondam I., adultus, consensu et parabola
talis curatoris sui sibi dati et confirmati per talem
iudicem vel potestatem, si habuerit, habens firmam et
ratam venditionem vel concessionem factam tali quondam
[talis], ab I. tutore suo, de casa et re tali, ut scriptum
est manu publica talis iudicis et notarii, ipsi venditori et
omnibus ac singulis ab eo actis consensit, et parabolam
dedit et consensum, predicta omnia et singula confirmando.
Et ipse, pro se suisque heredibus, simili modo,
ipsam casam et rem presenti die vendidit, dedit, tradidit
et concessit eidem I. emptori, et eius heredibus,
ac cui concesserit, in perpetuum, una cum omnibus super
se et infra se habitis, omnique iure et actione, vel usu
sibi exinde conpetenti, pro eodem pretio librarum tot
vere ipsi tutori bene soluto; de quo pretio vocavit se
ab eodem I., emptore bene solutum et pagatum, confitens
ipsum pretium in suam esse utilitatem conversum,
exceptioni non soluti pretii renumtians. Quam rem
venditam, ab omni persona et loco, de iure et constituto
|
|