potestati «Egregio et prudenti viro domino A. potestati Bononie,
C. et D. eiusdem civitates rectores salutem et prosperitatem.»
Consules sic scribunt: «Nobilibus viris consulibus Placentinis
I. et V., consules Mutinenses salutem et dilectionem».
Potestas et consilium sic consulibus: «Ariprandus Faba Bononie
potestas et eiusdem civitatis consilium A. et B. consulibus ville
Nonantule» vel «Burgi Panicalis» vel «castri Sancti Iohannis, et
toti eiusdem loci populo salutem et omne bonum». Consules
et potestas sic dominis: «Viro egregio U. Bononie potestati et
consilio universo multa sapientia et bonitate propria commendandis,
A. potestas de Monte Alto» vel «consul castri Plumatii»
vel «ville Mutine» aut «burgi Galere salutem et seipsum» vel
«quicquid potest servitii vel honoris» vel «se ipsum totum ad
beneplacita et mandata» vel «salutem et honoris debiti incrementum».
Subditi sic inter se: «Nobili viro et plurimum
sapienti A. potestati Castri Novi, G. potestas Galere salutem
cum sincere dilectionis affectu». Consules sic inter se: «Providis
et discretis viris, amicis et vicinis carissimis A. et B. consulibus
Bagnarole, C. et D. consules talis loci, salutem
et suum servitium et amorem.»
XXXVII.
De regibus, ducibus et marchionibus inter se et ad subditos
et convertitur.
«Glorioso et excelso viro», vel «illustri et preclaro viro
domino I. Dei gratia felicissimo regi Franchie, dignis et magnis
|
|