aliqua alia Longobardie civitas recordatur unquam amplius
talem insimul habuisse nec collegisse. Et hoc fuit in die
Mercurii, que fuit undecimo die mensis Augusti, in festivitate
sancti Thiburcii martiris, scilicet in primo die post festivitatem
sancti Laurentii, quod castrametati sunt ad Lardiragam
supra flumen Olonne ex illa parte fluvii versus
Papiam. Altera vero die, scilicet Iovis, factum fuit tunc prelium
ad La Vernagolam inter Mediolanenses et Papienses; ex quo
multi homines mortui, alii vulnerati, alii autem capti ab utraque
parte fuerunt. Prelio itaque, cum a mane usque ad vesperas
tenuisset, dirempto Mediolanenses ad castra remeaverunt.
Tunc etenim in ipso die Iovis, eum omnes Mediolanenses
fere iam cenaverant, quoddam divinum miraculum super
Mediolanenses et omnem eorum exercitum evenit. Acciderat
quippe, quod, cum quidam ex Mediolanensibus, qui in prelio
vulneratus fuerat, a sociis ipsius duci Mediolanum volebat,
ipsi socii eius et tentorium eorum, quod in capite albergarie
versus Papiam fuerat, difixerunt et in terram proiecerunt. Hec
|
1
5
10
15
|