12. Modus tertiae iam formae a nobis dicendus est,
cuius inceptiva semper syllaba gemella est,
ut est pungo et pupugi: nam et punxi lectum est.
13. Namque quartae normae modus non praetereundus est,
cuius clausula supremam es et iotam retinet:
ludo lusi hoc utuntur exemplo grammatici.
14. Optat si quis quintam scire, sensum huc accomodet:
in xi longa haec desistit, ut cinxi vel coxi est,
sunt et alia, quae versus non valet recipere.
15. Post haec suo sexta loco formula conexa est,
quae vi syllaba finitur ............................................,
..............................................................................
16. Quo nam tert ..... .......................susc .............
.................................................... in limine resedit,
a ex agili pigriscit, capio ut cepi est.
17. Rite sequitur octava, quam concludit littera
consonanti iota iuncta, uti verto verti est:
oritur haec ab instanti a persona media.
18. Superest ut nona harum scribatur posterius,
cuius semper bis pulsatur ultima conplexio,
ut est abdo abdidi sic dictum ut accipimus.
19. Transeamus hinc ad quartam, quam nonnulli nominant
coniugationem: formis haec ex quinque prima est,
quae ut garrio garrivi in perfecto duplex est.
20. Venit iam secunda forma, totius vicesima,
in ui qui terminatis litteris modus sonat,
ut est volo voluique, malo atque malui.
21. X. in tertia in eo desinit vocalibus,
quae ut prima in vi exit nec tamen bifida est:
est exemplum eo ivi et queo similiter.
|
|