moderari. Ac prius nobis ipsis in parte deficere,
et necessitates insolitas sustinere, quam
vos gravis et inconsueti gravaminis onere
praegravare: utpote qui ad istud etiam exigendum,
teste nobis altissimo, provocamur inviti,
et a quo libentissime nostra Serenitas abstineret,
si sine confusione perpetua nostri nominis
et honoris, quam fidei vestrae perfectio
nullo modo pateret, abstinere possemus.
Tu igitur inter eos providentiam et modestiam
nostram, quam respectu praeteritarum
exactionum habemus, in eis favorabiliter studeas
et cum omni diligentia publicare,
cum multo minorem quantitatem subventionis
ab universis exigi mandemus, ac praesens,
ecclesiarum et clericorum nec non feudorum
nostrorum, et de Cameris feudatariorum in
ipsa collecta subsidiis computatis, prout scedula
continet interclusa: quam de maniis nostris
tantum Serenitas nostra exigere consuevit.
Expositurus ipsis, nihilominus votum nostrum,
quod ex hoc modico libenter ad nihilum veniremus,
si post obtentam victoriam nostrorum
negotiorum expeditio pateretur. In taxatione
praeterea determinati subsidii, quod jurisdictioni
tibi decretae mandamus hominibus imponendum,
contra solitam impositorum et collectarum
nequitiam, [sic agas fideliter] sic
distincte: sicut unquam gratiam nostram diligis,
et indignationem perpetuam desideras evitare.