Tunc Avares gazis onerati denique multis,
obsidibus sumptis Haganone, Hilgunde puella,
nec non Vualthario redierunt pectore lęto.
Attila Pannonias ingressus et urbe receptus,
exulibus pueris magnam exhibuit piętatem
hac veluti proprios nutrire iubebat alumpnos;
virginis et curam reginam mandat habere.
Ast adolescentes propriis conspectibus ambos
semper inesse iubet, sed et artibus imbuit illos,
presertimque iocis belli sub tempore habentis.
Qui simul ingenio crescentes mentis et ęvo