quantitatem congerimus, ut de ipsa tibi
pro salubri expeditione negotiorum ipsarum
partium, tam celeriter quam viriliter
succurramus.
Cap. XVIII.
Regi Caphedino qui Mahometum adorat.
Sublimati in regibus et principibus terrae in
nostrae Majestatis excellentia gloriantur:
sed praecipue in convertendo adversarios
Jesu Christi. Redde igitur terram Hierosolymitanam
cultui Christiano. Alioquin virtus
nostri culminis irascetur, etc.
Cap. XIX.
Responsiva ad praecedentem.
Si hilarem datorem Deus diligit, me diligit,
et si beatius est dare quam recipere, beatus
ero. Prohibe igitur Christianos tuos
ne saeviant in Saracenos meos; alioquin invenies
me tibi minantem.
Cap. XX.
Alfonso primogenito Regis Franciae, dilecto
nepoti suo, de captione proditorum.
Detestabile et segregatum a qualibet
humanitate propositum Tibaldi Francisci,