salutari salutem» vel «salutem et orationem in Domino».
Monacha sic salutat suam abbatissam: «Venerabili in Christo
matri et domine E. sancti Gregorii abbatisse dignissime, soror
A. peccatrix monacha debitam reverentiam cum devota subiectione»,
vel «cum pura dilectione». Monachi sic se salutant
generaliter: «Dilecto fratri monacho et amico domino Iacobo discreto
monacho talis loci dominus P. monachus sancti Felicis salutem
et in Domino gloriari». Monachus sic abbati: «Venerabili in
Christo patri et domino metuendo I. Sancti Felicis abbati dignissimo,
dominus B. humilis eius monachus et devotus seipsum
totum in omni genere famulandi». Laici sic monachis: «Domino
et amico domino C. monacho talis loci, A. laicus salutem
et reverentiam» vel «devotionem cum dilectione sincera».
Monachus sic monache: «Dilecte in Christo sorori domine A.
sancte Margarite moniali propriis meritis honorande, dominus
C. monachus talis loci salutem et ad salutis gaudia pervenire».
Monacha sic monacho, «Domino atque fratri in Christo
suis meritis honorando D. monacho: talis loci, A. monacha
sancti Vitalis salutem et dilectionem in Domino».
LVI.
De monachis et monachabus inter se, et de laicis ad eosdem.
Monache sic se ad invicem salutant: «Amantissime sorori
sue in Christo plurimum venerande A. Sancte Marie
Maioris honeste sanctimoniali, G. monacha sancti Gervasii salutem
in Domino». Conventui monialium sic scribitur: «Dilectis
vel revendis in Christo sororibus abbatisse et sancti monialibus
talis loci, magister T(ancredus) Bononie archidiaconus salutem
et ad sponsi convivium cum sapientibus virginibus introire».
Generaliter autem possumus eis dicere «salutem et in oratione
constantiam» vel «salutem in eo cui angeli serviunt» vel
«cuius speciem» vel «cuius pulcritudinem sol et luna mirantur»
vel «salutem, et sic transire per temporalia, ut per ea
non amittantur eterna» vel «salutem et cum desiderio iugum
Domini sustinere» vel «salutem et carnis voluptates orationibus
|
|