DE CONFESSIONE BONORUM ET IURAMENTO ET FIDEIUSSORE.
/*
In Dei nomine amen. Anno et die, indictione, f(eliciter).
Talis heres istitutus a tali, ut continetur in testamento
ab eo condito, scripto manu talis iudicis et notarii,
et subscripto per talem ut dicebant.
Vel: a me tali iudice et notario viso et lecto; vel: talis
heres legiptimus talis quondam patris, fratris sui, vel
alterius, timens ne eius hereditas sit dampnosa, ut non
ultra vel plus petendo, creditoribus vel legatariis, nec
recipere debentibus, teneatur, quam in eius hereditate
inveniatur, fecit et condidit inventarium de hereditate
et bonis predictis, unde confessus est infrascripta bona
et res invenisse in hereditate predicta, in primis videlicet:
tale quid et cetera. Itern idem talis dixit has
expensas se debere recipere in hereditate predicta, soldos
.C. pro tali negotio, vel pro expensis futuris et cetera.
Item dixit se invenisse in predicta hereditate hec
debita, salvo si alia apparuerint, que modo ingnorat.
In primis talis, ex tali causa, debet recipere libras tot,
et sic de aliis et cetera. Acta sunt hec Florentie f(eliciter),
presentibus testibus ad hec rogatis, tali et tali, qui
testes predictum talem heredem congnoscunt; talis iudex
ordinarius et notarius interfuit, et debet subscribere,
et talis notarius interfuit, et debet subscribere loco et
vice et nomine ipsius talis heredis.
DE PRECEPTIS GUARENTISCIE FACTIS PER CONSTITUTUM FLORENTINUM.
Ego talis iudex et notarius, sicut possum, et michi
licitum est, per capitulum constituti et guarentiscie comunis
Florentie, precepi predicto tali debitori confitenti,
ut solvat et observet ut promisit; vel: tali et tali
cuique in solidum ut solvant et observent ut supra
promiserunt; vel: predictis debitoribus, tam principali
quam fideiussori; vel: tam principalibus quam fideiussoribus,
sic volentibus et confitentibus, ita fecisse vel
|
|