In XII° paragrafo oratio habetur legati proscriptorum qui maxime cives de Mediolano
acusat et excusat proscriptos.
In XIII° paragrafo dicitur quomodo concionibus IIIIor prefatis coram papa et cardinalibus
recitatis, dominus papa non revocat sententias excomunicationis et interdicti latas in civitatem
Mediolani nisi legati comunis Mediolani iurent obedire. Qui, cognita constantia pape, iuraverunt
et redierunt Mediolanum.
In XIIII° paragrafo subinfertur quomodo legatus pape sequitur legatos redeuntes. Qui
veniens Mediolanum coram civibus proponit mandata pape, que recepta fuerunt, et iuramenta
obedientie patrantur a civibus per plateas.
In XV° paragrafo ponitur oratio legati domini pape in consilio generali recitata, in qua
ortatur cives ad amorem et obedientiam Ecclesie, eos mire laudans; et recipit iuramenta ac
relaxat omnes sententias in comune Mediolani latas, et omnia iura Ecclesie mediolanensis
repetit et recipit domini archiepiscopi nomine.
LIBER SECUNDUS.
In secundo libro multa describuntur bella. In primo paragrafo agitur de repululatione
ire primatum civitatis mediolanensis contra dominum Archiepiscopum et contra eum iniusto
statuto edito, cum iret per Placentiam Lugdunum, ad concilium generale, sequens papam
Gregorium denum. Qui archiepiscopus in reditu stetit Bugelle in diocesi Vercellensi, quia
papa rediens per Mediolanum, noluit quod cum eo veniret.
In secundo paragrafo narratur quod, Archiepiscopo stante Bugelle, comes Guifredus de
Langusco potestas proscriptorum invasit cum proscriptis militibus castrum Seprii et arcem
Englerie cum burgo, et de descriptione castri Seprii et Englerie et arcis eius; et de exitu
civium Mediolanensium contra dictum comitem, et conflictu facto iuxta fluvium Guassam
nomine, in quo conflictu Comes et multi de militibus proscriptis occisi fuerunt et alii in
fugam conversi, et multi capitis sententia plexi.
In tercio paragrafo agitur de exortatione quam proscripti milites faciunt Archiepiscopo
ut veniat et ei eorum principem esse placeat et de responsione Archiepiscopi et adventu eius
in Novariam et inde in castrum Seprium et de exitu Mediolanensium contra Archiepiscopum
et expugnatione castri, et de repulsa et fuga civium; de fuga tandem Archiepiscopi et suorum
in Cumas et inde in Zurnigum.
In IIII° paragrafo agitur de adventu Archiepiscopi de Zurnigo in Canobium et de preparatione
classis contra hostes et de bello navali habito iuxta Zerminagam, in lacu maiori,
et de victoria Archiepiscopi et quorum, et eorum reditu ad Archiepiscopum.
In V° paragrafo habetur de reparatione adhuc belli navalis et de missione Symonis de
Locarno, quem ducem fecit exercitus, ad obsidionem Arone, et de adventu domini marchionis
Montis Ferrati et Novariensium et militum proscriptorum et Papiensium ad obsidionem eandem,
his obsidentibus ex parte terre et Symone ex parte laci; et de subita fuga domini marchionis
et exercitus eius et Symonis et exercitus eius ad adventum seu succursum civium
|
|