943.
Praeterea temporibus istis Lotharius cum Patre
suo regnabat Ugone, anno ab Incarnatione
Domini nongentesimo quadragesimo tertio.
Tunc Alparius Abbas emit in Territorio Firmano
Casale Aureliano loco, nomine Ripule,
possessiones et praedia, duobus fratribus Titione
et Joanne sibi vendentibus, et pretium inde
recipientibus solidos quinquaginta.
VII. ABBAS ILDERICUS.
Peractis igitur in regimine viginti quinque
annis Alparius ex hoc Mundo discessit,
cui Ildericus successit, vir prudens et contra
adversa securus. In cujus tempore factae sunt
praestariae de rebus Ecclesiae. Cuidam videlicet
Urso de rebus in Casale, nomine Tresolie et
Taungiano, acceptis inde solidis viginti. Cuidam
Luponi de rebus in Casale Colmeniano
ad Sanctum Rusticum, acceptis inde solidis
viginti.
951.
Hoc siquidem tempore, anno Dominicae Incarnationis
nongentesimo quinquagesimo primo,
Berengarius et Adelbertus filius ejus regnabant,
anno primo. Quo anno accepit Idelricus
ab Alexandro quondam Ardemandi filio,
natione Baioario, possessionem in Vico centum
modiorum. Datis ei de aliis rebus proprietatis
Sancti Clementis. Quibusdam concessit
Aldoni et Franconi de rebus quondam Gauderisii
et Justini filii sui, in loco nomine Cori,
et Mariano, acceptis inde solidis quadraginta.
Eodem tempore venerunt Atto Comes, et
Adelguda Comitissa uxor ejus, ad Domnum
Ildericum Abbatem, et facta conventione acceperunt
a Monasterio Piscariensi beneficiali
ordine Curtem de Colle cum tenimentis suis,
possessione terrarum ad mensuram triticei seminis
modiorum quingentorum, sub praefixo
tempore et annuo censu, acceptis inde solidis
quingentis.
In hujus Ilderici Abbatis tempore Episcopus
Pinnensis Ecclesiae, Joannes nomine, gravem
querelam super Monasterio praefato excitavit,
dicens quod tota Insula de jure Pinnensis Ecclesiae
pendebat, Monasterium sua propria sedes et
Camera erat; Abbas in eo sine ejus licentia et
jussu institui non debebat; dominum in Castellis
et Villis habebat; Abbas Monasterii non
Dominus, sed quasi quidam Vicarius erat;
Monachos Ecclesiae non ab alio Episicopo ad
Ordines promoveri, nisi a se permittebat.
Quid plura? omnibus modis Monasterium opprimebat.
Quod nefarium Ildericus ( quem
Alpario successisse supra memoravimus ) vir
prudentissimi ingenii, et constatissimi animi,
ferre non valens, in praesentia Ducis et Marchionis
Pandulfi, praesente Episcopo Firmano,
nomine Gaydulfo, et Comite Lupone, et multis
aliis eum devicit, et nihil juris eum habere
in Monasterio, in Insula, in Castellis, in
Villis, in hominibus rationali assertione demonstravit.
Cumque idem Episcopus quietus
permanere non posset, praefatus Abbas Ildericus
praesentiam Domni Imperatoris Adelberti,
filii Imperatoris Berengarii, apud Senogallias
adiit, et aperta ratione demonstrans, quomodo
eundem Episcopum in praesentia Ducis et
Marchionis, et Episcoporum, et Baronum
devicerat, iterum illum fallacem, mendacem,
|
|