frater meus Fulvius de vobis favoris poscat, advertite. Sororem Pompeiani
olim viro maturam te auspice in manus optat accipere, nec
genere minor et re fortassis uberior. Nam laudabiles mores eius et ex
bonorum amicitiis spes secundas inter sponsalia ornamenta non numero;
sibi enim quisque habet, quicquid laudi et spei dicitur. Mihi autem
tanta est perficiende coniunctionis huius antiquitas, ut in grandi dono
habiturus sim, si illius voluntati mea cura profuerit.
5
Reverentissimo et sanctissimo patri R. Romane apostolice
sedis antistiti V. sancte Bononiensis ecclesie dictus episcopus
reverentiam et debitam obedientiam.
Sedem apostolicam, pater reverentissime, super re dubia
consulere, ut debuimus, equum duximus. Iuxta sacrorum enim
canonum instituta cunete difficiliores questiones, omnia obscuriora
negotia, cunctarum causarum perplexe sententie huic
sacrosancte matri ecclesie quasi capiti sunt afferende eiusque
iudicio ventilande ac diffiniende. Ac per hoc vestri apostolatus
benignissimas aures humiliter imploramus, mente sincera
postulamus in re ambigua vestra enucleare consilia.
|
|