Quoniam ad cognicionem et decisionem cause nobis
una cum magistro Wo a sede apostolica delegate, videlicet
quam . . contra . . super . . re movet seu movere
intendit, ad presens — licet vellemus — interesse quibusdam
nostris et ecclesie nostre negociis prepediti non possumus,
vobis super hiis omnibus quousque interesse poterimus
plenarie conmittimus vices nostras.
Datum etc.
b. Conmissio tocius cause in extraneum facienda.
Gotfridus archydiaconus lewenensis, domini pape iudex
delegatus, provido et discreto viro magistro . . decano
de arcubus londoniensi salutem etc.
Discrecioni vestre tenore presencium innotescat, nos
a sanctissimo patre domino nostro domino M papa iiii quasdam
recepisse litteras sub hac forma: Martinus episcopus etc.
ponatur totus tenor litterarum. deinde dicatur:
Quare cum examinacioni cause huius pluribus et diversis
prepediti negociis non possumus sine gravi nostro
incommodo interesse, vobis examinacionem et decisionem
ac cognicionem ipsius cause tenore presencium totaliter
duximus conmittendam. vel sic: super hiis omnibus totaliter
conmittimus vices nostras.
Datum etc. ut supra
c.
Cum autem causa conmittitur, diffinitiva sentencia reservata,
scribit notarius per omnia secundum formam proximo
supra dictam usque ad locum ubi dicit: vobis ad examinacionem
etc. et dicatur tunc: vobis ad examinacionem et
cognicionem tocius cause — reservata nobis diffinitiva sentencia —
plenarie conmittimus vices nostras etc.
|
|